Actif Am Oes
- Ystod o weithgareddau ffitrwydd a chwaraeon dwysedd isel ar gyfer pob oedran ar draws Gwynedd.
- Mae’r sesiynau’n boblogaidd gyda phobl hŷn, rhai sy’n edrych i gychwyn neu ail-gychwyn ymarfer corff, rhai sy’n gwella o anafiadau, pobl gydag anableddau.
- Mae croeso mawr i’r rhai sy’n dilyn Rhaglen NERS neu sydd wedi cwblhau’r rhaglen ddod i’r sesiynau yma.
- Sicrhewch eich bod yn archebu unrhyw sesiynau cyn i chi fynychu’r ganolfan.
- Wrth edrych ar ein rhaglenni canolfan chwiliwch allan am y logo Actif am Oes biws.
Mae pob canolfan yn cynnig Bore neu Brynhawn Actif am Oes lle bydd cyfle i chi ymweld â’r ganolfan am sesiwn 2 awr i ddefnyddio amrywiaeth o’r cyfleusterau am bris arbennig o £3. Mae’r union gyfleusterau a gweithgareddau’n amrywio rhywfaint o ganolfan i ganolfan ond fel arfer yn cynnwys:
- Cyfle i i ddefnyddio’r Ystafell ffitrwydd efo dipyn o gefnogaeth gan ein staff
- Gweithgareddau Neuadd Chwaraeon (e.e. badminton, tenis bwrdd, pickleball, boccia neu tenis byr)
- Dosbarth ffitrwydd dwysedd isel (e.e. Aerobics Cadair, Circuits Ysgafn)
- Cyfle i ddefnyddio ein gerddi cymunedol
- Cyfle i ddefnyddio cyrtiau chwaraeon raced (e.e. sboncen, tenis ayb)
- Cyfle i ddefnyddio ein caeau tu allan
- Mae’r sesiynau Nofio am Ddim 60+ hefyd yn rhan o’r cynllun ac ar gael ym mhob Pwll Nofio Byw’n Iach. Mwy o wybodaeth am Nofio am Ddim.
Heblaw am y Bore neu Brynhawn Actif am Oes pob wythnos, mae amrediad o weithgareddau dwysedd isel ar raglenni pob canolfan. Rydym wedi marcio’r rheiny gyda’n logo Actif Am Oes biws. Maen nhw’n cynnwys sesiynau Nofio am Ddim 60+, sesiynau garddio cymunedol am ddim a dosbarthiadau ffitrwydd dwysedd isel sydd ar gael am y ffi arferol neu trwy aelodaeth.
Mae prisiau consesiwn is ar gael ar amrediad o weithgareddau ar gyfer rhai sydd yn 60+ neu wedi cofrestru’n anabl.
Holwch ein staff yn y ganolfan am fwy o wybodaeth neu cymerwch olwg ar ein rhestr prisiau ar lein: Prisiau
Isod mae’r amserlenni ar gyfer y canolfannau,
Amserlenni Canolfan:
- Byw’n Iach Arfon, Caernarfon
- Byw’n Iach Bangor
- Byw’n Iach Dwyfor, Pwllheli
- Byw’n Iach Glaslyn, Porthmadog
- Byw’n Iach Plas Ffrancon, Bethesda
- Byw’n Iach Plas Silyn, Penygroes
- Byw’n Iach Pafiliwn, Abermaw
- Byw’n Iach Glan Wnion, Dolgellau
- Byw’n Iach Penllyn, Bala
- Byw’n Iach Bro Dysynni, Tywyn
Amserlen Dosbarthiadau Dwysedd Isel Ar Lein?
Cofrestrwch i gymryd rhan yn y Dosbarthiadau Ar-lein
| Lle | Diwrnod | Amser | Gweithgaredd |
|---|---|---|---|
| Zoom | Dydd Llun | 10.30-11.15 | Symudiad Tai Chi Ar Gyfer Lles |
| Zoom | Dydd Mawrth | 11.30-12.00 | Symudiad Ar Gyfer Lles |
| Zoom | Dydd Iau | 10.30-11.15 | Pilates |
Adborth Actif Am Oes
| Beth wnaeth i chi fynychu gwersi ioga? | |
| Gan fod y ddau ohonom wedi ymddeol roedden ni’n gweld hi’n bwysig i gadw mor ystwyth â phosibl. Rydan ni’n mwynhau cerdded a garddio, ond dydy’r tywydd ddim bob amser yn ffafriol i hynny ac roedden ni’n clywed bod ioga yn llesol i’r corff a’r meddwl. |  |
| Beth oedd eich argraffiadau cyntaf? | |
| Roedden ni’n teimlo’n gwbl gyfforddus yn y sesiynau o’r cychwyn cyntaf – yn arbennig gan fod dynion a merched yno. Doedd dim pwysau i ni wneud dim oedd yn profi’n heriol i ni gan mai’r cyfarwyddyd bob amser ydy i weithio o fewn ein gallu. | |
| Sut mae pethau erbyn hyn? | |
| Mae’r hyfforddwraig yn dweud ein bod wedi gwneud cynnydd da ers y cychwyn ac rydan ninnau yn gweld ein hunain yn gryfach ac yn fwy abl i gynnal y symudiadau. Mae balans y ddau ohonom wedi gwella yn sylweddol, sy’n holl bwysig wrth i ni heneiddio gan fod balans gwael yn aml yn achosi codymau. Mae poen ysgwydd un ohonom hefyd wedi diflannu. | |
| Beth ydy’r manteision? | |
| Dydy rhywun ddim bob amser efo’r ‘awydd’ i droi allan i wers ond, yn ddieithriad, rydym yn falch ein bod wedi gwneud yr ymdrech i fynd. Mae’r ymarferion yn gwneud i rywun ystwytho ac ymlacio ac yn ddiamau yn gwneud lles meddyliol yn ogystal â lles corfforol. Er nad yw’r symudiadau bob amser yn teimlo’n heriol ar y pryd mae rhywun yn gwybod y diwrnod wedyn ein bod wedi bod yn ymarfer cyhyrau gwahanol! Mae pwysau gwaed y ddau ohonom yn dda iawn ac mae sôn bod hynny yn un o fanteision llesol ioga. | |
| Ydach chi wedi gwneud defnydd arall o’r cynllun Actif Am Oes? | |
| Rydan ni wedi bod am un sesiwn yn yr ystafell ffitrwydd a chael budd ar gael arweiniad un-i-un ar sut i ddefnyddio gwahanol offer. Byddwn yn gobeithio mynychu mwy o’r sesiynau hyn ar ôl prysurdeb yr haf. | |
Fedrwch archebu’ch slot amser ymlaen llaw trwy’r system Archebu o Cartref neu dros y ffôn:
Archebwch Ar-lein
Archebwch drost y Ffon
*mae’n bwysig i chi gael cyngor meddyg teulu cyn dechrau ymarfer os oes gennych i chi gyflwr iechyd penodol, anaf neu heb ymarfer er amser hir.
